ان منصوبوں میں ہنزہ کے گاؤں حسن آباد، غلکین اور حسینی میں سیلابی راستے میں حفاظتی پشتوں کی تعمیر، واٹر چینلز کی مرمت، ممکنہ آفات کی صورت میں مقامی کمیونٹی کے لئے محفوظ پناہ گاہوں کا قیام، اونچے مقام کے لئے آسان رسائی کے طور پر پونی ٹریکس کی تعمیر وغیرہ شامل ہیں۔ علاوہ ازیں گلاف ٹو پراجیکٹ کے تحت یو این ڈی پی اور محکمہ موسمیات کے اشتراک سے گلگت بلتستان کی سولہ وادیوں میں دو سو سے زائد مقامات پر پیشگی اطلاعی نظام (ارلی وارننگ سسٹم) کی تنصیب کا کام بھی جاری و ساری ہے، جبکہ ممکنہ آفات سے نمٹنے کی تیاری کے طور پر مقامی کمیونٹی اور مختلف شعبہ ہائے زندگی سے تعلق رکھنے والے افراد کو خصوصی تربیت بھی فراہم کی جا رہی ہے جس سے مقامی لوگوں اور امدادی اداروں کو ممکنہ آفات سے نمٹنے میں مدد ملے گی۔ اس حوالے سے گلاف ٹو متعلقہ وادیوں کے عوام کا کہنا ہے کہ حکومت گلگت بلتستان میں موسمیاتی تبدیلی کے اثرات سے نمٹنے کیلئے گلاف ٹو پراجیکٹ طرز کے منصوبوں کو وسعت دے تاکہ مستقبل کے چیلنجوں سے نبرد آزما ہونے کے لئے مقامی کمیونٹی کی استعداد کار کو بڑھایا جاسکے۔
Chief Minister Gilgit-Baltistan
Office of the Chief Secretary, Gilgit Baltistan
Planning & Development Department GB
07:09:17 AM
18 December, 2024
ڈائریکٹر جنرل جی ڈی اے عباس علی خان اور پراجیکٹ ڈائریکٹر انجینئر شفقت علی نے پراجیکٹ کے پراگریس کے حوالے سے تفصیلی بریفنگ دیتے ہوئےافرادی قوت اور منصوبے کے کام میں سست رفتاری کے حوالے سے فورم کو آگاہ کیا۔ اس موقع پر کنٹریکٹر نے فورم کو یہ بتایا کہ گزشتہ میٹنگ کے بعد پراگریس میں کافی بہتری آئی ہے اور اگلے ایک سے دو مہینوں میں کام کی رفتار میں مزید تیزی اور بہتری نظر آئے گی۔ اس موقع پر ایڈیشنل چیف سیکریٹری ڈیویلپمنٹ نے
ٹھیکیداروں کی کارکردگی اور پیش رفت کے بارے میں پوچھنے پرٹھیکیداروں نے یقین دلایا کہ صورتحال بہتر ہو رہی ہے، اور وہ آنے والے مہینوں میں خاطر خواہ پیشرفت کے بارے میں پر امید ہیں۔ اس موقعے پر ایڈیشنل چیف سیکریٹری ڈیویلپمنٹ گلگت بلتستان نے ہدایت کی کہ ڈائریکٹرجنرل، جی ڈی اے اور پراجیکٹ ڈائریکٹر سیوریج، پراجیکٹ میں مزید مؤثر طریقے سے پیشرفت کرنے کے لیے ایک تفصیلی مانیٹرنگ رپورٹ فراہم کریے۔ اور مشترکہ ٹیم پی ایس ڈی پی پراجیکٹ کے تینوں پیکجیز کے ساتھ ساتھ اے ڈی پی پورشن کا بھی جائزہ لینے کے لیےاگلے 10 سے 15 دنوں میں سائٹ کا دورہ کر کے کام کا جائزہ لینے کے ساتھ ساتھ ان علاقوں کی نشاندہی کرے جن پر فوری توجہ کی ضرورت ہے۔ مزید برآں کہ، اگلی کوارڈینیشن کمیٹی کی میٹنگ 15 جنوری 2025 کو ہوگی۔ اور ٹھیکیداروں کو ہدایت کی گئی کہ ورک پلان کے اندر رہتے ہوئے کام کریں تاکہ پروجیکٹ منظور شدہ ورک پلان کے مطابق آگے بڑھے۔
کنٹریکٹر این ایل سی نے اپریل 2025 تک ورک پلان کے مطابق خاطرخواہ نتائج حاصل کرنے کی یقین دہانی کرائی ۔ اس موقعے پر ایڈیشنل چیف سیکریٹری صاحب نے سیوریج کے کام کے دوران خراب ہونے والی سڑکوں پر میٹلنگ کے کام اگلے سیزن میں مکمل کرنے کی ہدایات دی۔ اس موقعے پر، پروجیکٹ ڈائریکٹر نے C&W ڈیپارٹمنٹ کی ترجیحی سڑکوں کو میٹل کرنے کی فوری ضرورت پر زور دیا تو ٹھیکیداروں نے محکمے کی ضروریات کو پورا کرنے کے لیے ترجیحی کاموں کو تیز کرنے کے لیے اضافی وسائل جمع کرنے پر اتفاق کیا۔ اجلاس تمام ٹھیکیداروں کی جانب سے چیلنجز سے نمٹنے اور کام کے معیار کے اعلیٰ معیار کو برقرار رکھتے ہوئے منصوبے کی بروقت تکمیل کو یقینی بنانے کے پختہ عزم کے ساتھ اختتام پذیر ہوا۔ اجلاس میں تمام سٹیک ہولڈرز موجود تھے.
Chief Minister Gilgit-Baltistan
06:47:41 AM
17 December, 2024
وزیر اعلیٰ گلگت بلتستان حاجی گلبر خان نے عالم دین مولانا عیسیٰ خان کی وفات پر دکھ اور افسوس کا اظہار کرتے ہوئے مرحوم کی بلند درجات کیلئے دعا کی ہے اور غمزدہ خاندان سے تعزیت کا اظہار کیا ہے۔ وزیر اعلیٰ نے کہا ہے کہ مولانا عیسیٰ خان کی علاقے میں امن وامان برقرار رکھنے اور اسلامی تعلیمات کی ترویج کے حوالے سے خدمات کو ہمیشہ یاد رکھا جائیگا۔
06:45:39 AM
17 December, 2024
یہ پروجیکٹ گلیشیئرز سے پانی کے اخراج کی پیمائش کے لیے ہائیڈروولوجیکل اسٹیشنز نصب کرے گا، سیلاب کی سطح کے بارے میں قیمتی ڈیٹا فراہم کرے گا اور خطے میں پانی کے وسائل کے بہتر انتظام میں معاونت کرے گا۔ منصوبے کے دائرہ کار میں گلگت بلتستان میں فائٹو پیتھولوجی اور زولوجی کے لیے دو نئی لیبارٹریوں کا قیام شامل ہے، اس کے ساتھ ساتھ موجودہ گلیشیالوجی اور واٹر کوالٹی لیبارٹریوں کو مضبوط بنانا شامل ہے جو پہلے ای وی کے ٹو سی این آر اور یو این ڈی پی نے اطالوی حکومت کے تعاون سے قائم کیے تھے۔
اس اقدام کا ایک اہم پہلو ایک جامع پروگرام ہے جو کمیونٹی بیداری، علم کے اشتراک، اور صلاحیت کی تعمیر پر مرکوز ہے۔ اس پروگرام میں پینے اور آبپاشی کے پانی، مویشیوں کی پرورش، اور بہتر زرعی طریقوں جیسے موضوعات کا احاطہ کیا جائے گا۔ یہ منصوبہ گلیشیالوجی، آبی وسائل اور مویشیوں اور پودوں کو متاثر کرنے والی بیماریوں پر سائنسی تحقیق بھی کرے گا۔
اس کے علاوہ، یہ منصوبہ گلگت بلتستان میں ایک ماڈل ایکو ویلج کے قیام کے ذریعے ماحولیاتی سیاحت کو فروغ دے گا، جو خطے میں اپنی نوعیت کا پہلا منصوبہ ہے۔ یہ مربوط ماڈل مقامی کمیونٹیز کو سیاحت کی صنعت سے جوڑ دے گا، مقامی افراد اپنے علم اور ہنر سے فائدہ اٹھا کر اپنے لیے اقتصادی ترقی کے وسائل پیدا کر سکیں گے۔ اس منصوبے میں گلگت بلتستان میں سرکاری اہلکاروں کے لیے استعداد کار میں اضافہ، پائیدار ترقی پر توجہ مرکوز کرنا اور پالیسی کی تشکیل اور عمل درآمد میں سبز طریقوں کو اپنانا بھی شامل ہے۔
لانچنگ تقریب میں گلگت بلتستان کے وزیر منصوبہ بندی و ترقی راجہ ناصر علی خان، قراقرم انٹرنیشنل یونیورسٹی کے وائس چانسلر انجینئر ڈاکٹر عطاء اللہ شاہ، گلگت بلتستان کے سیکرٹری قانون جناب سجاد حیدر نے شرکت کی۔ اس کے علاوہ سرکاری اداروں اور مقامی یونیورسٹیوں کے اہلکار بھی تقریب کا حصہ تھے۔
اپنے خطاب میں راجہ ناصر علی خان نے گلگت بلتستان کو درپیش ماحولیاتی مسائل اور ان سے نمٹنے کے لیے فوری مداخلت کی ضرورت پر زور دیا۔ انہوں نے خطے میں مزید ماحولیاتی انحطاط کو روکنے کے لیے ماحول دوست سیاحت کے طریقوں کی اہمیت پر زور دیا۔ انجینئر ڈاکٹر عطاء اللہ شاہ نے خطے میں آبی وسائل پر تحقیق میں اضافے کی ضرورت پر روشنی ڈالی، خاص طور پر پیٹ کے کینسر میں پینے کے پانی کے کردار پر تحقیق۔ جناب سجاد حیدر، سیکرٹری قانون جی بی نے کہا کہ اداروں کے درمیان خاص طور پر ڈیٹا شیئرنگ کے لیے رابطوں کو بڑھانے کی ضرورت ہے۔ جناب خادم ڈائریکٹر انوائرمینٹل پروٹیکشن ایجنسی نے اس منصوبے کو بے حد سراہا اور اسے جی بی میں پائیدار ترقی کے لیے وقت کی ضرورت قرار دیا۔ یو این ڈی پی کے تکنیکی ماہر جناب فہیم احمد اور ای وی کے ٹو سی این آر میں قدرتی وسائل کے کو آردینیٹر محمد اورنگزیب نے پروجیکٹ کی کلیدی ڈیلیوری ایبلز کا جائزہ پیش کیا۔ گلگت بلتستان کے ریجنل منیجر جناب عارف حسین نے تمام شرکاء کا شکریہ ادا کرتے ہوئے تقریب کا اختتام کیا۔
Tourism & Culture Department Gilgit-Baltistan
06:44:21 AM
17 December, 2024
گلگت : وزیر اعلی گلگت بلتستان حاجی گلبر خان اسمبلی اجلاس کے موقع پر اظہار خیال کر رہے ہیں.
Chief Minister Gilgit-Baltistan
06:42:08 AM
17 December, 2024
وزیر اعلیٰ گلگت بلتستان حاجی گلبر خان مولانا عیسیٰ خان کی عیادت کررہے ہیں۔
گلگت۔ وزیر اعلیٰ گلگت بلتستان حاجی گلبر خان پی ایچ کیو ہسپتال دورے کے موقع پر مریضوں کی عیادت کررہے ہیں۔
Chief Minister Gilgit-Baltistan
Health Department Gilgit Baltistan
PHQ Teaching Hospital Gilgit
06:40:57 AM
17 December, 2024
لگت۔ صوبائی کابینہ کے اجلاس کے بعد صوبائی وزیر قانون و پارلیمانی امور غلام محمد اور صوبائی وزیر پلاننگ راجہ ناصر علی خان میڈیا کو بریفنگ دے رہے ہیں۔
Ghulam Muhammad
06:39:29 AM
17 December, 2024
گلگت : وزیر اعلیٰ گلگت بلتستان حاجی گلبر خان صوبائی کابینہ کے اجلاس کی صدارت کر رہے ہیں.
Chief Minister Gilgit-Baltistan
Office of the Chief Secretary, Gilgit Baltistan
09:34:56 AM
16 December, 2024
